মুখ্য পৃষ্ঠা
06/04/2515:21
• ধৰ্ষণ আৰু হত্যাকাৰী •
হৃদয় বিদাৰক আৰ্তনাদবোৰ
পৰ্বতে-পাহাৰে ঠেকা খাই প্ৰতিধ্বনি হ'ল,
কাণ দুখন হেঁচি ধৰি শুই পৰিল পৃথিৱী
সাৰে থাকিল জোন-তৰা, গ্ৰহ-উপগ্ৰহ ।
শেষ হ'ল এটা জীৱনৰ
কামনাৰ বলী হ'ল এটা সুন্দৰ গাভৰু দেহ,
নিশ্চুপ
পৃথিৱীয়ে অপেক্ষা কৰিলে পোহৰলৈ
আৰু বিজ্ঞাপন হ'ল "ধৰ্ষণ" ।
গছ-লতিকাবোৰ সাক্ষী হ'ল
নদ-নদীৰ ঝিৰ ঝিৰ শব্দ,
বন্দী হ'ল সাংবাদিকৰ কলমত
পাঠক সমাজে এৰিলে এটা দীঘল হুমুনিয়াহ ।
আই-পিতাইয়ে পিৰালীত বহি উচুপিছে
পদূলিৰ জপনাখন খোলা থাকিল
মাজনী ঘৰলৈ নাহিল,
ভ্ৰাতৃয়ে চিঞৰিছে হাতত বাৰুদ লৈ
জন্ম হ'ল আৰু এজন অপৰাধী ।
তৰ্জনী আঙুলিটো শক্তিশালী হ'ল
সন্মুখত এন্ধাৰ পৃথিৱী,
অলিয়ে-গলিয়ে বাৰুদৰ শব্দ
কোনোৱে নাম দিলে হত্যাকাৰী ।
ණ ৰাজু কলিতা
